राष्ट्रपति विद्यादेवी भण्डारीं तमु ल्होसारया लसताय् सकल नेपाःमिपिन्त थःव थः सद्भाव, सहिष्णुता व बन्धुत्वया भावना ब्बलकेगु नाप बृहत् राष्ट्रिय एकताय् थप सुदृढ यायेत ग्वाहालि जुइ धका धयादीगु दु।

वयकलं थौं तमु ल्होसारया लसताय् बिउगु भिंतुना सन्देशय् थुगु नखः न दक्कोे नेपाःमिपिनिगु न्हुगु उत्साह तथा उमङ्ग ज्वना सभ्य, सुसंस्कृत व प्रगतिशील समाज निर्माणय् न्ह्यावनेगु प्रेरणा दयेमाः धका कामना यानादीगु खः।

गुरुङ समुदायया थौं पुलागु दँयात बिदा बिया न्हुगु दँयात लसकुस यायेगु कथं हनिइगु खः। थुगु समुदायया अप्वो दुगु लमजुङ, गोरखा, तनहुँ, स्याङ्जा, कास्की, पर्वतलगायत जिल्लाय् थुगु नखः तजिक हनेगु याइ।

Categorized in राष्ट्रिय