२०७८ माघ ५, बुधबार

लागू वासः नाप छम्हेसित ज्वंन

लहनान्युज | थिंलागा द्धादशी ११४२, पुष १६ शुक्रवाः

महानगरीय प्रहरी परिसरं येँया नरेफाँटस्थित तरकारी बजार सडकखण्डपाखे लागू वासः नाप छम्हेसित ज्वंगु दु।

धादिङ खनायबाँस गाउँपालिका छेँ दुम्ह थौंकन्ह्य तारकेश्वरय् च्वना च्वम्ह ४६ दँ दुम्ह लेख बहादुर तामाङयात प्रहरीं ज्वंगु दु।

शुक्रबाः महानगरीय प्रहरी प्रभाग कोटेश्वरया टोलीं विशेष सूचनाया आधारय् नरेफाँट तरकारी बजार सडकखण्डपाखे वयात ज्वंगु खः।

वया नाप प्रहरीं लागू वासः २४६ एम्पुल नूफिन, २९२ एम्पुल फेनारगन व २८४ एम्पुल डाइजेपाम याना ८९२ गु व निगः मोबाइल बरामद याउगु खः।

वयात ज्वना लागू औषध नियन्त्रण ऐन २०३३ बमोजिम थप अनुसन्धान कथं महानगरीय प्रहरी परिसरं धाउगु दु।

Categorized in अपराध