नेकपा माओवादी केन्द्रया च्याक्वःगु महाधिवेशनया निर्वाचन कार्यक्रम सार्वजनिक याउगु दु।

निर्वाचन समितिं थौं शनिबाः न्हिनय् सार्वजनिक याउगु कथं उम्मेदवारी दर्ताया ई बहनि ८ बजेनिसे साढे ८ बजे तकया ई बिउगु दु। अथेहे ८ः३५ तक उम्मेदवारया विरोधय् उजुरी बिइगु, ८ः४० निसे ९ बजेतक उजुरीउपर छानबिन व निर्णय, ९ः१० बजे उम्मेदवारया नां हाकन प्रकाशन, ९ः३० निसे ११ बजेतक उम्मेदवारपिन्स नां लितकायेगु ई बिउगु दु।

केन्द्रीय निर्वाचन आयोगया संयोजक विष्णुपुकार श्रेष्ठं सार्वजनिक याउगु निर्वाचन कार्यक्रमय् ११ः१५ बजे उम्मेदवारपिनिगु अन्तिम नामावली प्रकाशन व ११ः३० निसे चान्ह्य ४ बजे तक मतदानया ई क्वछिउगु दु।

Categorized in राष्ट्रिय