२०८० चैत्र १६, शुक्रबार

लागुवासः नाप निम्हेसित प्रहरी ज्वंन

लहनान्युज | थिंलागा औंसी ११४२, पुष १८ मंगलवाः

कञ्चनपुरय् लागुवासः नाप निम्हेसित प्रहरी ज्वंगु दु। इलाका प्रहरी कार्यालय त्रिभुवनबस्तीपाखे खटे जुगु टोलीं धनगढी उपमहानगरपालिका–७ या ३३ दँ दुम्ह सनम भण्डारी व २८ दँ दुम्ह रितु भण्डारीयात ज्वंगु खः।

उपि नाप १५ ट्याबलेट नाइट्रोभेट व ४४ क्याप्सुल स्पास नाप पुनर्वास नगरपालिका–१० या दोदापुलपाखे शनिबाः ज्वंगु खः धका इलाका प्रहरी कार्यालय त्रिभुवनबस्तीया प्रमुख प्रहरी निरीक्षक कैलाश विष्टं जानकारी बिउगु दु।

उमिसं ज्वना वंगु से ३ प ४४९६ नम्बरया मोटरसाइकल न नियन्त्रणय् काउगु दु।

Categorized in अपराध