थौं शेयर बजाःया परिसूचक नेप्से ६० अङ्क स्वया अप्वो थहावंगु दु। नेप्से थौं आइतवाः ६० दशमलव ४१ अङ्क थहावना २ हजार ५ सय ८४ विन्दुइ थ्यःगु दु।

थौं कारोबार जूगु समूहमध्ये छगु समूहया जक शेयर घटे जुगु दु। म्युचल फन्डया शेयर शून्य दशमलव शून्य ६ अङ्कं घटे जुगु दु सा निर्जीवन बीमा समूहया शेयर दकलय् अप्वो ४ सय ११ अङ्कं थहावंगु दु।

अथेहे उत्पादन समूहया शेयर ३ सय ४८ अङ्क, जीवन बीमा समूहया शेयर ३ सय ४४, विकास बैंक समूहया शेयर १ सय ४४ अङ्क व माइक्रोफाइनान्स समूहया शेयर १ सय ४० अङ्कं थहावंगु दु।

२४० कम्पनीया ७१ लाख ६० हजार कित्ता शेयर ४ अर्ब १२ करोड रुपैयाँ न कारोबार जूगु दु। दकलय् अप्वो हिमालयन डिस्टिलरीया ४४ करोड रुपैयाँ बराबरया शेयर कारोबार जुगु दु।

Categorized in राष्ट्रिय