शेयर कारोबार मापक नेप्से परिसूचक ६३.०१ अंकं थहावना २ हजार ६ सय ७९ दशमलव ९५ अंकय् थ्यंगु दु।

नेप्से परिसूचकय् उत्साह खने दू सा कारोबार रकम धासा सोमबाः स्वया कम जूगु दु। न्हिच्छियक ९१ लाख १० हजार ७ सय ५८ कित्ता शेयर किनबेच जुगुलि कारोबार रकम ४ अर्ब ३२ करोड २ लाख ६९ हजार ८ सय २७ रुपैयाँय् रोके जूगु दु।

थ्व स्वया न्ह्यः सोमबाः ४ अर्ब ५३ करोड रुपैयाँ शेयर कारोबार जूगु खः।थौं दकलय् अप्वो शेयर भाः थहावंगुलि श्रीफाइनान्स न्हापागु थासाय् व सप्तकोशी डेभलपमेन्ट बैंक निगु थासय् दु। थुगु निगु हे कम्पनीया शेयर भाः १० प्रतिशतं थहावंगु दु।

अथेहे मध्य भोटेकोशी जलविद्युत आयोजना, नेपाल एसबीआई बैंक, सिन्धु विकास बैंक लगायतया शेयर भाः न ९ प्रतिशत स्वया अप्वो थहावंगु दु। थौं यक्को घटे जुगुलि डिबेञ्च खने दु।

कृषि विकास बैंकया डिबेञ्चर, नेपाल बैंकया डिबेञ्चर, आईसीएफसीया डिबेञ्चर करिब २ प्रतिशतं घटे जुगु दु। यक्को शेयर कारोबार जुगु नबिल बैंकनाप मर्जर यायेगु तयारी दुगु नेपाल बंगलादेश बैंक खने दु।

थुगु बैंकया थौ ३ लाख ६७ हजार २ सय ५८ कित्ता शेयर किनबेच जूगु दु।

Categorized in राष्ट्रिय