प्रधानमन्त्री शेरबहादुर देउवां कोरोना संक्रमण अप्पोया वंगुलि तधःगु सतर्कता अपने यायेगु निति सम्बन्धित निकायपिन्त निर्देशन बिउगु दु

थौं शुक्रबाः कोभिड–१९ संकट व्यवस्थापन केन्द्र (सीसीएमसी) निर्देशक समितिया बैठकय् प्रधानमन्त्री देउवां ओमिक्रोन भेरियन्टया संक्रमणपिन्त परीक्षण व उपचारय् विशेष ध्यान बिइत निर्देशन बिउगु दु।

सीमा नाकाय् सतर्कता अपने यायेगु व कोभिड–१९ विरुद्ध खोप बिइगु ज्या न्ह्याकेत प्रधानमन्त्रीं निर्देशन बिउगु दु। बैठकय् ओमिक्रोन भेरियन्टया संक्रमणदर अप्पोया वनकि स्मार्ट लकडाउन यायेगु विषय न छलफल जूगु दु।

सीसीएमसी बैठकं स्वगूगु चरणया बुस्टर डोज खोप बिइगु ज्या न्ह्याकेत न अनुमति बिउगु दु।

Categorized in राष्ट्रिय