वंगु २४ घण्टाया दुने देयन्यक थप ९४४ म्हेसित कोरोना भाइरस संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं ९७६२ पीसीअर परीक्षणय् ६९६ म्ह व ३५०२ एन्टिजेन परीक्षणय् २४८ म्ह याना ९४४ म्हेसित संक्रमण पुष्टि जूगु दु। थ्व नाप आःतक नेपालय् कोरोना भाइरसया सक्रिय संक्रमितपि ६,१४० म्ह थ्यंगु दु। अथेहे २९७ म्ह संक्रमणमुक्त जुगु दु।

लिपागु २४ घण्टाय् दकलय् अप्वो येँ ३६२ म्हेसित कोरोना भाइरस संक्रमण पुष्टि जूगु दु।

अथेहे मन्त्रालयया कथं यलय् ९४म्ह, ख्वपय् २५म्ह, कञ्चजनपुरय् ५१म्ह, कास्कीइ २०म्ह, मकवानपुरय् १३म्ह, कैलाली व पर्सामा १०÷१० म्ह, दाङय् गुम्ह, बाँकेय् च्याम्ह, रुपन्देही, चितवन व सुनसरीइ न्ह्यम्ह, न्ह्यम्हेसित संक्रमण पुष्टि जूगु दु।

Categorized in राष्ट्रिय