वंगु २४ घण्टाया दुने देयन्यक थप ११६७ म्हेसित कोरोना भाइरस (कोभिड–१९) या संक्रमण पुष्टि जूगु दु।

स्वास्थ्य तथा जनसंख्या मन्त्रालयया कथं देयन्यक १२ हजार ६३२ म्हेसिगु नमुना परीक्षण याउगुलि उलिम्हेसित संक्रमण पुष्टि जूगु दु।

संक्रमितजूपि मध्ये ६१५ म्ह स्वनिगलय् जूगु दु। येँ जक ४९१म्ह, यलय् ९९ म्ह व ख्वपय् २५ म्हेसित जूगु दु।

मन्त्रालयया प्रवक्ता संगीता मिश्राया कथं पीसीआर टेष्टया औषतय् संक्रमणदर ९.५ प्रतिशत थ्यंगु दु।

Categorized in राष्ट्रिय