नेकपा एमाले कास्की जिल्लाया अध्यक्षय् मनबहादुर गुरुङ विजयी जूगु दु।

कार्यवाहक तब जुयादीम्ह वया प्रतिस्पर्धी दामोदर बैरागीयात चुनावी प्रक्रियाय् बुकाः निर्वाचित जुगु खः।लिपागु मत परिणाम कथं विजयी जुम्ह मनबहादुर गुरुङं ४५६ मत हःगु खःसा दामोदर बैरागीं ४०७ मत हःगु खः।

शुक्रबाःनिसे सुरु जुगु जिल्ला अधिवेशनं सर्वसम्मत जुइ मफुगुलि चुनावी प्रक्रियाय् वंगु खः। सर्वसम्मत जुइ मफुया एमाले कास्की न पार्टी विधानविपरीत प्यानल दयका चुनावी मैदानय् वंगु खः। कास्की एमाले गण्डकीइ नेतापि पृथ्वीसुब्बा गुरुङ व खगराज अधिकारी समूह उम्मेदवारपि न बिस्क बिस्क हे प्यानल दयका वःगु खः।

विजयी गुरुङ पृथ्वीसुब्बा प्यानल व बैरागी खगराज प्यानलपि उम्मेदवारी बिउगु खः। उपाध्यक्षय् पृथ्वीसुब्बा प्यानलया हे तेजनारायण अधिकारी ४ सय २१ मत हःगु खःसा खगराज प्यानलया प्रभा कोइरालां ४ सय १३ मत हःगु खः।

निर्वाचन समितिया संयोजक सुरेन्द्र थापाया कथं एमाले कास्की जिल्ला कमिटी अधिवेशनय् जिल्लायक ९१९ म्ह प्रतिनिधिपि सहभागी जुगु खःसा निर्वाचनय् ८९५ म्हेसिया मतदान याउगु खः।

Categorized in राजनीति