२०७८ माघ ५, बुधबार

भारतय् २४ घण्टाय् २ लाख ४७ हजार न्हुपि संक्रमितपि थपे जुल

लहनान्युज | थिंलागा एकादशी ११४२, पुष २९ बिहीवाः

भारतय् कोभिड–१९ या संक्रमितपि न्हिं झण्डै साढे २ लाख थ्यनेत्यंगु दु। भारतय् वंगु २४ घण्टाय् २ लाख ४७ हजार ४१७ म्ह न्हुपि संक्रमितपि थपे जुगु दु।

थुगु ल्याः मंगलबाःया तुलनाय् २७ प्रतिशत स्वया अप्पोगु खः। थुगु कोरोनाया कहर वंगु मे महिनाया अवस्थाय् थ्यंगु दु। भारतय् झीन्हुया दुने कोरोना संक्रमितपि खुगु गुणा स्वया अप्पोगु दु धका भारतीय समाचार माध्यमं धाउगु दु। वंगु २४ घण्टाया दुने हलियकं ८४ हजार ८२५ म्ह कोरोनामुक्त जुगु दु सा ३८० म्ह सी धुकुगु दु धका समाचारय् धाउगु दु।

ओमिक्रोन संक्रमितप मध्ये महाराष्ट्रय् दकलय् अप्पो १३६७ म्ह दु। अथेहे राजस्थानय् ७९२ म्ह दिल्लीइ ५४९, कर्नाटकय् ४७९, पश्चिम बंगालय् २९४ म्ह व उत्तर प्रदेशय् २७५ म्हेसित भेरियन्टया संक्रमण पुष्टि जुगु दु।

Categorized in अन्तर्राष्ट्रिय