२०७८ माघ ५, बुधबार

भारतय् २४ घण्टाय् २ लाख ६८ हजार स्वया अप्पोसित कोरोना सक्रमित पुष्टि

लहनान्युज | थिंलागा त्रयोदशी ११४२, माघ १ सनिवाः

भारतय् लिपागु २४ घण्टाय् २ लाख  ६८ हजार ८ सय ३३ म्हेसित कोरोना संक्रमण पुष्टि जूगु दु।

थ्व न्हापागु दु दिं स्वया ४ हजार ६ सय ३१ म्ह स्वया अप्पो खः। भारतया स्वास्थ्य तथा परिवार कल्याण मन्त्रालयया कथं भारतय् सक्रिय संक्रमितपि १४ लाख १७ हजार स्वया अप्पो थ्यंगु दु।

अथेहे वंगु २४ घण्टाय् भारतय् कोरोनां ४ सय २ जम्ह सीउगु दु। भारतय् आःतक कोरोना संक्रमणं ४ लाख ८५ हजार ७ सय ५२ म्ह सी धुकुगु दु।

वंगु २४ घण्टाय् महाराष्ट्रय् ४३ हजार २ सय ११ म्ह, मुम्बईलय् ११ हजार ३ सय १७ म्ह, दिल्लीइ २४ हजार ३ सय ८३ म्ह, पश्चिम बंगालय् २२ हजार ६ सय ४५ म्ह, कर्नाटकय् २८ हजार ७ सय २३ म्ह व केरलय् १६ हजार ३ सय ३८ म्हेसित संक्रमण पुष्टि जुगु खः।

Categorized in अन्तर्राष्ट्रिय