सरकारया निर्णय विपरीत चायकूगु स्कूलयात कारबाही यायेगु चेतावनी
लहनान्युज | पोहेलागा तृतीया ११४२, माघ ७ शुक्रवाः
येँ महानगरपालिकां सरकारया निर्णय विपरीत चायकूगु विद्यालययात कारबाही यायेगु चेतावनी बिउगु दु।
येँ छु निजी विद्यालय चायका च्वंगुलि तत्काल बन्द यायेत निर्देशन बिउगु दु धका शिक्षा विभाग अधिकृत रामप्रसाद सुवेदी न जानकारी बिउगु दु। कोरोना संक्रमणया स्वगूगु लहर यक्को फैलै जुगुलि सीसीएमसीया सिफारिसय् शिक्षा, विज्ञान तथा प्रविधि मन्त्रालयं पुष २७ गतेनिसे माघ १५ गते तक विद्यालय बन्द यायेगु निर्णय याउगु खः।
उगु निर्णय विपरीत महानगरपालिका दुने छू विद्यालय चायका च्वंगु धका विभाग अधिकृत सुवेदी न धाउगु दु। वयकलं धाउगु दु, ‘थज्यागु महामारीइ सरकारया निर्णय विपरीत सू न विद्यालय चाकगुलि तत्काल बन्द यायेत निर्देशन बियाउगु दु।
यदि बन्द मयात धासा कारबाही यायेगु जुइ।’ महानगरपालिकाया वडा नं १५ व १८ या छू निजी विद्यालय सञ्चालन जुयाच्वंगु धका अधिकृत सुवेदीं जानकारी बिउगु खः।
Categorized in राष्ट्रिय