नेवाः न्ह्यलुवाः, भाषासेवी, समाजसेवी नाप उद्योगपति लक्ष्मीदास मानन्धरया अन्तिम दाहसंस्कार क्वचाःगु दु।

भाषासेवी मानन्धर म्हिगः बहनी ह्याम्स अस्पतालय् मदुगु खः। थौं येँया लुँतिइ अन्तिम संस्कार जूगु खः।

मदुम्ह लक्ष्मीदास मानन्धरयात वय्कःया चीधिकःम्ह काय् नारायणदास मानन्धरं मिँ तयादीगु खः।

मदुम्ह मानन्धरयात श्रद्धाञ्जलि देछायेगु नितिं कांग्रेस, कम्युनिष्ट पार्टीया थीथी नेता कार्यकर्तापिंलिसें नेपालभाषा ख्यःया न्ह्यलुवाःपिनिगु उपस्थिति दूगु खः।

Categorized in राष्ट्रिय