नेप्से थौं १००.१० अंकं घटे जुल
लहनान्युज | पोहेलागा सप्तमी ११४२, माघ १० सोमवाः
शेयर बजार परिसूचक नेप्से थौं यक्को कुहावंगु दु। थौं सोमबाः नेप्से १००.१० अंकं घटे जुया २८२०.४१ विन्दुइ कुहावंगु दु।
थौं सोमबाः कारोबार रकम ८ अर्ब ८८ करोड ८५ लाख १३ हजार जक जुगु दु। २२८ कम्पनीया १ लाख १३ हजार २ सय ५ गु कारोबार जुगु खः।
थुगु कारोबारपाखे १ करोड ७० लाख ६३ हजार ८ सय ३३ कित्ता शेयर किनबेच जुगु खः। थौं दकलय् अप्पो वित्त, विकास बैंक व जलविद्युत उपसमुहया लगानीकर्तापिनिगु घाटा जुगु खः।
तसक घटे जुगुलि न वीन नेपाल लघुवित्त व बुद्धभूमि नेपाल जलविद्युत कम्पनीया शेयरया भाः धासा १० प्रतिशतं थहावंगु दु।
ज्योती लाइफ इन्स्यूरोन्स व गुर्खाज फाइनान्सया नभाः थौं थहावगु दु। कर्णाली डेभलपमेन्ट बैंक, माउन्टेन हाइड्रो, आशा लघुवित्त वित्तीय संस्था, ओरियन्टल होटेल लगायतपिनिगु शेयर भाः तसक कुहावंगु खः।
Categorized in राष्ट्रिय