देयन्यक थप १० हजार ३१९ म्ह कोरोना संक्रमित पुष्टि
लहनान्युज | पोहेलागा सप्तमी ११४२, माघ १० सोमवाः
वंगु २४ घण्टाया दुने देयन्यक १० हजार ३१९ म्हेसित कोरोना भाइरस (कोभिड १९) या संक्रमण पुष्टि जुगु दु सा प्यम्ह सीउगु दु।
स्वास्थ्य तथा जनसंख्या मन्त्रालयया कथं देयन्यक २१ हजार २०१ म्हेसिगु नमुना परीक्षण याउगु खः।
उकि मध्ये १६ हजार ६५४ म्हेसिगु नमुना पीसीआर टेष्ट याउगुलि ८ हजार ५४ म्ह व ४ हजार ५४७ म्हेसिगु नमुना एन्टीजेन टेष्ट याउगुलि २२६५ म्हेसित संक्रमण पुष्टि जुगु दु।
अथेहे २४ घण्टाय् २ हजार ५४० म्ह संक्रमणमुक्त जुगु दु। आःतक देयन्यक ८२ हजार ५५० म्ह संक्रिय संक्रमितपि दु।
Categorized in राष्ट्रिय
