स्वास्थ्य उपचार याना प्यला लिपा स्वदेश लिहावम्ह नेकपा माओवादी केन्द्रया नेता वर्षमान पुन ‘अनन्त’ नं थौं सुथय् पार्टी अध्यक्ष प्रचण्डनाप भेटघाट याउगु दु।

चीनं म्हिगः सोमबाः बहनि येँ थ्यक वम्ह पुन प्रचण्डयात थौं सुथय् खुमलटारय् निवासय् वना नापलाउगु खः। अथेहे नेता पुनं थःगु उपचारया लागि ग्वाहालि याउगुलि प्रचण्डयात सुभाय् न बिउगु खः।

अध्यक्ष प्रचण्डया कुतलं व परराष्ट्र मन्त्रालयया ग्वाहालि पूर्वमन्त्री पुन उपचारया लागि सुरुइ बैंकक व वयालिपा चीनय् वंगु खः।

Categorized in राष्ट्रिय