यल महानगरपालिका सुनाकोठीया बालकुमारी देगलं तनाच्वंगु द्यः मालेत न्याम्ह दुजः दुगु अनुसन्धान टोली गठन जुगु दु।

जिल्ला प्रशासन कार्यालय यलय् म्हिगः सोमबाः सहलह जुगु कथं प्रहरी नायब निरीक्षक दीपक भारतीया संयोजकत्वय् अनुसन्धान टोली गठन जुगु धका प्रहरी परिसर यलया प्रहरी उपरीक्षक शिद्धविक्रम शाहं जानकारी बिउगु दु।

शाह न बिउगु जानकारी कथं प्राविधिक सहितया अनुसन्धान टोली गठन यासे अनुसन्धानया टुल्सत प्रयोग यानाः मालेज्या जुयाच्वंगु धका धाउगु दु। बैठकय् बालकुमारी गुठीया गुठीयार, सुनागूबासी लगायतया ब्वति दुगु खः।

Categorized in राष्ट्रिय