किपू नगरपालिकाय् राष्ट्रिय परिचयपत्रया लागि दर्ता यायेगु ज्या थौंनिसे न्ह्याःगु दु।

थौं छगु ज्याझ्वः दथुइ राष्ट्रिय परिचयपत्र तथा पञ्जीकरण विभागं किपू नगरपालिकाय् राष्ट्रिय परिचयपत्रया लागि दर्ता यायेगु ज्या न्ह्याकूगु खः। किपू नगरपालिकाया मेयर रमेश महर्जनं टोकन सिस्टमय् न्हियां न्हिथं ४० म्हसिगु नां दर्ता यायेगु धका धयादिगु खः।

वय्कलं अत्यावश्यक जूपिं नागरिकयात राष्ट्रिय परिचयपत्र दर्ताया लागि विशेष प्राथमिकता बिइगु नं धयादिल। किपू नगरपालिकां नगरबासीतय्त राष्ट्रिय परिचयपत्र दर्ताया लागि नेपाली नागरिकताया सक्कल प्रमाणपत्र ज्वनाः वयेत इनाप याःगु दु।

Categorized in राष्ट्रिय