नेप्से थौं ३ दशमलव २९ अङ्कं थहावन
रसिया श्रेष्ठ | पोहेलागा दशमी ११४२, माघ १३ बिहीवाः
लगातार घटे जुया वनाच्वंगु शेयर बजाः कारोबार वाःया लिपागु दिं थौं सामान्य थहावंगु दु।
शेयर बजाः परिसूचक नेप्से थौं बिहीवाः ३ दशमलव २९ अङ्कं थहावना २ हजार ७ सय ७९ दशमलव ९३ विन्दुइ थहावंगु दु।
थौं निर्जीवन बीमा समूहया शेयर दकलय् अप्पो १ सय ३२ अङ्कं थहावंगु दु। फाइनान्स, जलविद्युत्, उत्पादन, मेमेगु समूहया शेयर सामान्य थहावंगु दु।
फाइनान्स समूहया शेयर १४, जलविद्युतय् ५, उत्पादनय् २५ व मेमेगु समूहया शेयर १७ अङ्क थहावंगु दु। थौं ६६ लाख ७५ हजार कित्ता शेयर ३ अर्ब ३४ करोड रुपैयाँया कारोबार जुगु खः।
दकलय् अप्पो नेशनल लाइफ इन्स्योरेन्सया २० करोड रुपैयाँया शेयर किनबेच जुगु खः। विन नेपाल लघुवित्त व बुद्धभूमि हाइड्रोया शेयर थौं न १० प्रतिशतं थहावंगु दु।
सप्तकोसी विकास बैंकया शेयर धासा ४ प्रतिशतं घटे जुगु खः।
Categorized in राष्ट्रिय