सहमतिबिना तस्बिर व भिडिओ खिचे याना सामाजिक सञ्जालय् तलकि कारबाही
लहनान्युज | पोहेलागा एकादशी ११४२, माघ १४ शुक्रवाः
जुइगु गृह मन्त्रालयं सम्बन्धित व्यक्तिपिनिगु सहमतिबिना छु न प्रकारया तस्बिर व भिडिओ खिचे यायेगु व उकिया सामाजिक सञ्जालय् तलकि कारबाही यायेगु चेतावनी बिउगु दु।
मन्त्रालयं छगु सूचं जारी यासे सम्बन्धित व्यक्तिया अनुमतिबिना तस्बिर खिचे याना व ‘भिडियो’ दयका वयागु सहमति÷अनुमतिबिना सामाजिक सञ्जालय् प्रकाशन याइपिन्त प्रचलित कानुनबमोजिम कारबाही जुइ धका धाउगु दु। सार्वजनिक थासय् ख्याना नां गोप्य तया भिडिओ तयार याना वयागु सामाजिक सञ्जालय् तइगु गुनासो मन्त्रालय वउगुलि सर्वसाधारणयात शारीरिक नाप मानसिक सास्ती जुइगु गतिविधि मयायेत गृह मन्त्रालयं सम्बद्ध सकसित सचेत याउगु दु।
सार्वजनिक थासय् ख्याः याउगु पाखे पीडित व्यक्तियात मानसिक तनाव उत्पन्न जुइगु, वादविवाद व द्वन्द्व नाप सामाजिक सद्भाव व शान्ति सुव्यवस्था जुइगु नकारात्मक प्रभावया नाप व्यक्तिगत गोपनीयता व प्रतिष्ठाय् लाइगु असरयात स्वया व्यक्तिया अनुमतिबिना व्यक्तिया तस्बिर व भिडिओ खिचे यायेगु उकियात सामाजिक सञ्जालय् प्रकाशन मयायेत मन्त्रालयं सचेत याउगु दु।
Categorized in राष्ट्रिय