म्हिगः आइतवाः १०५ अङ्कं बढे जुगु शेयर बजाः परिसूचक नेप्से थौं सोमवाः हाकनं घटे जुगु दु।

नेप्से थौं १४ दशमलव ४८ अङ्कं घटे जुया २ हजार ८ सय ७१ दशमलव शून्य ५ विन्दुइ कुहावंगु दु। थौं माइक्रोफाइनान्स, मेमेगु व लगानी बाहेक दक्को समूहया शेयर घटे जुगु दु। बीमा, उत्पादन व विकास बैंकया शेयर उसकं कुहावंगु दु। २ सय २५ गु कम्पनीया १ करोड १ लाख कित्ता शेयर ५ अर्ब १५ करोड ४१ लाख रुपैयाँया कारोबार जूगु खः।

दकलय् अप्पो एचआईडीसीएलया ५७ करोड रुपैयाँया शेयर कारोबार जूगु खः। थौं माउन्टेन हाइड्रो नेपाल व सिभिल लघुवित्त कम्पनीया शेयर साढे ३ प्रतिशतं घटे जुगु खः। समग्र बजाः घटे जूसा फरवार्ड माइक्रोफाइनान्स, विन नेपाल माइक्रोफाइनान्स व बुद्धभूमि हाइड्रोया शेयर १० प्रतिशतं थहावना सकारात्मक सर्किट लगे जुगु दु।

Categorized in राष्ट्रिय