२०८१ जेठ १२, शनिबार

अमेरिकां युक्रेनय् थःगु सेना छ्वइगु निर्णय

लहनान्युज | सिल्लाथ्व द्धितीया ११४२, माघ २० बिहीवाः

युक्रेनय् रुसं आक्रमण यायेफइगु धासे अमेरिकां थुगु हे वाःया दुने युरोपय् थःगु सेना छ्वयेगु निर्णय याउगु दु।

अमेरिकी राष्ट्रपति जो बाइडनं करीब निद्धः सैनिक युरोप सीमाय् छ्वयगु निर्णय यानागु धका ह्वाइट हाउसया अधिकारीयात उद्धृत यासे बीबीसीं धाउगु दु। थुगु सैनिकपि फोर्ट ब्राग, नर्थ क्यारोलिनापाखे पोल्याण्ड व जर्मनी छ्वयेत्यःगु खः।

अथेहे जर्मनीइ न्हापानिसे च्वनाच्वंपि द्धःछि सैनिकयात रोमानिया तैनाथ याइ धका बीबीसीं धाउगु दु। युरोपय् छ्वइपि अमेरिकी सैनिक युद्धय् सामेल जुइ मखु।रुसं युक्रेनय् आक्रमण यायेगु योजनाया खण्डन यासे, अमेरिकां जबरजस्ती युद्धय् घ्वायेत स्वंगु धका धाउगु दु।

अय्न रुसं युक्रेनया सीमा क्षेत्रय् करीब १ लाख सैनिक तैनाथ यानातःगु दु। युक्रेन धासा आक्रमणया आतंक अर्थव्यवस्था स्यनिइगु धासे पश्चिम देशय् इनाप याउगु खः। रुसं युक्रेनया दक्षिणी क्षेत्र क्राइमिया कब्जा याउगु च्यादँ लिपा संकट वंगु खः। रुस समर्थित विद्रोही समूह युक्रेनया पूर्वी क्षेत्रय् पकद दु।

सन् २०१४ निसे आःतक करीब १४ हजार म्हेसिगु ज्यान वने धुकुगु दु।

Categorized in अन्तर्राष्ट्रिय