२०८१ आषाढ ११, मंगलबार

त्रिभुवन विमानस्थलय् १ किलो १५५ ग्राम लुँ व प्यगः मोबाइलनाप स्वम्हेसित ज्वंन

लहनान्युज | सिल्लाथ्व द्धितीया ११४२, माघ २० बिहीवाः

प्रहरीं त्रिभुवन अन्तराष्ट्रिय विमानस्थलय् १ किलो १५५ ग्राम लुँ व प्यगः मोबाइलनाप स्वम्हेसित ज्वंगु दु।

गौर नगरपालिका–१० रौतहट सोबगाढाया ३२ दँ दुम्ह सुनील कुमार साह, मकवानपुर मनहरी–७ या २८ दँ दुम्ह नवराज परियार व भोटेकोशी गाउँपालिका–३ सिन्धुपाल्चोकया ३९ दँ दुम्ह दावा छिरिङ शेर्पायात प्रहरी ज्वंगु दु।

हिमालय एयरलाइन्स व एयर अरेबिया विमानं दुबई व सारजहापाखे वंगुलि उमित त्रिभुवन विमानस्थल सुरक्षा कार्यालय विमानस्थल आगमन टनेल गेटपाखे थौं ज्वंगु खः।

प्रहरीं साहया नाप प्यगः आइफोन १३ प्रो म्याक्स व छगः छगः ५० ग्राम लुँया अंगू व सिखः बरामद यासे परियारय नाप छगः आइफोन १३ प्रो म्याक्स व ५० ग्रामया निपाः अंगू बरामद याउगु खः।

अथेहे शेर्पापाखे १ किलो ५५ ग्रामया लुँ प्रहरीं बरामद याउगु खः।

Categorized in अपराध