कोरोना संक्रमणं १४ म्ह मन्त, देयन्यक थप ३ हजार १७५ म्ह सक्रमित
लहनान्युज | सिल्लाथ्व द्धितीया ११४२, माघ २० बिहीवाः
वंगु २४ घण्टाया दुने देयन्यक कोरोना संक्रमणं १४ म्हेसिगु ज्यान वंगु दु। अथेहे थौं देयन्यक थप ३ हजार १७५ म्हेसित कोरोना संक्रमितपि थपे जुगु दु।
स्वास्थ्य मन्त्रालयया कथं १० हजार २६ म्हेसिगु पीसीआर परीक्षण याउगुलि २ हजार ७४२ म्ह व २ हजार ५७९ म्हेसिगु एन्टीजेन परीक्षण याउगुलि ४३३ म्ह याना ३ हजार १७५ म्हेसित कोरोना भाइरस (कोभिड–१९) या संक्रमण पुष्टि जूगु दु।
अथेहे देयन्यक ६३ हजार २९६ म्ह सक्रिय संक्रमितपि दु सा ८ हजार ७२३ म्ह संक्रमणमुक्त जुगु दु।
Categorized in राष्ट्रिय
