२०७९ आषाढ १४, मंगलबार

घुस काउगु द्धपनय् येँ महानगरया वडा सदस्य वसन्त महर्जनविरुद्ध मुद्दा दायर

लहनान्युज | सिल्लाथ्व तृतीया ११४२, माघ २१ शुक्रवाः

घुस काउगु द्धपनय् येँ महानगरपालिका वडा नं. १४ या सदस्य वसन्त महर्जनविरुद्ध अख्तियार दुरुपयोग अनुसन्धान आयोगं विशेष अदालतय् मुद्दा दायर याउगु दु।

निगु लाख नाप महर्जनविरुद्ध मुद्दा दायर याउगु दु धका आयोगं धाउगु दु। महर्जनं जग्गाया मोहियानी हक नामसारी व नाता प्रमाणित याना मोही प्रमाणपत्र व मालपोत तथा भूमि व्यवस्था कार्यालय येँ सिफारिस बिइगु लागि सेवाग्राहीपाखे निगु लाख घुस काउगु अख्तियारया दाबी दु।

वयापाखे अख्तियारया टोलीं वंगु भदौ २१ गते निगु लाखनाप नियन्त्रणय् काउगु खः। अनुसन्धानया झ्वलय् महर्जनं सेवाग्राहीपाखे निगु लाख घुस काउगु पुष्टि जुगु धका आयोगया सहायक प्रवक्ता वेदप्रसाद भण्डारीं धाउगु दु।

भण्डारीं थौं जारी याउगु विज्ञप्तिइ च्वयातःगु दु, ‘निजं याउगु उगु ज्या भ्रष्टाचार निवारण ऐन, २०५९ या दफा ३ या उपदफा (१) या कसुर जुगु धासे निज बसन्त महर्जनयात बिगो रु. २,००,००० ।– (निगु लाख रुपैयाँ) कायम याना सोही ऐनया दफा ३ या उपदफा (१) व दफा ३ या उपदफा (१) देहाय खण्ड (घ) बमोजिम सजाय जुइगु  मागदावी कया अख्तियार दुरुपयोग अनुसन्धान आयोग ऐन, २०४८ या दफा १८ व ३५ नाप भ्रष्टाचार निवारण ऐन, २०५९ या दफा ३६ बमोजिम विशेष अदालत येँ आरोपपत्र दायर याउगु दु ।’

Categorized in अपराध