ठगी मुद्दाय् फरार आरोपीयात प्रहरीं ज्वंगु दु। येँ महानगरपालिका–१५ स्वयम्भू च्वम्ह निङ स्टार सेभिङ एण्ड क्रेडिट को–अपरेटिभ लिमिटेडया लेखा–समिति संयोजक पंचमान महर्जनयात बिहीबाः ज्वना दु धका प्रहरी प्रधान कार्यालय केन्द्रीय अनुसन्धानया प्रवक्ता नाप प्रहरी उपरीक्षक श्यामकुमार महतो न जानकारी बिउगु दु।

येँ जिल्ला अदालतया २०७३ असार १९ गतेया फैसलां ठगी मुद्दाय् खुला कैद व ३५ लाख ६८ हजार रुपैयाँ जरिवाना ठहर जूया फरार जूयाच्वम्ह वयात ब्यूरोपाखे खटे जूपि प्रहरीं  स्वयम्भूं ज्वंगु खः।

उगु संस्थाया निक्षेप रकम २२ करोड ६४ लाख ९४ हजार ४ सय ७८ रुपैयाँ जाहेरवालापिन्त लितमबिउसे तोके याउगु प्रयोजन बाहेक व्यापारिक कारोबार व थःथितिपिनिगु नामय् जग्गा न्याना ठगी याउगु मुद्दाय् पंचमानं ऋण प्रवाह व असुली यासे ठगी संलग्न याउगु ठहर यासे अदालतं उगु फैसला याउगु खः।

वयात फैसला कार्यान्वयनया लागि जिल्ला अदालत येँ पेश याउगु धका ब्यूरो न धाउगु दु।

Categorized in अपराध