महानगरीय प्रहरी परिसरं राहदानी विभागं अनलाइन फर्म कीर्ते याउगु द्धपनय् स्वम्हेसित प्रहरी ज्वंगु दु।

जुगल गाउँपालिका–७ सिन्धुपाल्चोक छेँ दुम्ह येँ सोल्टिमोड च्वनाच्वम्ह ३५ दुम्ह दिनेश तामाङ, बेसीसहर गाउँपालिका–११ छेँ दुम्ह थौं कन्ह्य टोखा च्वनाच्वम्ह ४० दँ दुम्ह नविनकुमार श्रेष्ठ व वीरेन्द्रनगर नगरपालिका–१२ सुर्खेत च्वम्ह ३६ दँ दुम्ह यम बहादुर थापा मगरया प्रहरी ज्वंगु दु।

महानगरीय प्रहरी बृत्त कालिमाटीपाखे खटेजुपि प्रहरी टोलीं उमित त्रिपुरेश्वरस्थित राहदानी बिभागय् पिने ज्वंगु खः। उमित प्रहरीं कम्युटर, ल्यापटप व प्रिन्टर छगः÷छगः व ४० हजार नगद व ५० कीर्ते यानातःगु भ्वँ बरामद याउगु खः।

उमित ‘कीर्ते याये मज्यू’ कसूरय् येँया जिल्ला अदालतपाखे न्ह्यन्हु अनुमति कया थप अनुसन्धान यानाच्वंगु दु धका महानगरीय प्रहरी परिसर येँ न धाउगु दु।

Categorized in अपराध