वंगु २४ घण्टाया दुने देयन्यक कोरोना भाइरस (कोभिड–१९) या संक्रमणं थप गुम्हेसिगु ज्यान वंगु दु।

अथेहे थौं देयन्यक १ हजार ७१४ म्हेसित संक्रमण पुष्टि जूगु दु। स्वास्थ्य तथा जनसंख्या मन्त्रालयया कथं देयन्यक ८ हजार ५१३ म्हेसिगु नमुना परीक्षण याउगु दु।

५ हजार २२५ म्हेसिगु नमुना पीसीआर परीक्षण याउगुलि १ हजार १०३ म्ह व ३ हजार २८८ म्हेसिगु एन्टीजेन परीक्षण याउगुलि ६११ म्ह याना १ हजार ७१४ म्हेसित कोरोना संक्रमण पुष्टि जूगु दु।

अथेहे २४ घण्टाय् ४ हजार ७७१ म्ह संक्रमणमुक्त जूगु दु। आःतक देयन्यक ५२ हजार ७८० म्ह संक्रिय संक्रमितपि दु।

उकि मध्ये ५१ हजार ४३४ म्ह संक्रिय संक्रमितपि होम आइसोलेसनय् व १ हजार ३४६ म्ह संस्थागत आइसोलेसनय् च्वनाच्वंगु दु।

Categorized in राष्ट्रिय