भारतया लोकह्वाम्ह गायिका लता मंगेशकर ९२ दँय् मन्त।

‘स्वर कोकिला’ उपनामं म्हस्यूम्ह लताया थौं सरस्वती पूजाया दिं हे मदुगु खः। मुम्बईया ब्रीच क्याण्डी अस्पतालय् उपचारया झ्वलय थौं सुथय् मदुगु धका प्रेस ट्रष्ट अफ इण्डिया न धाउगु दु।

कोरोना संक्रमण जूया वयात अस्पतालय् भर्ना याउगु खः। छु दिं निसे वयात भेन्टिलेटरय् तया उपचार याना तःगु खः। वयकलं ३६ गु भाषाय् द्धःछि मल्याक म्ये हालातःगु दु धका भारतीय मिडियां धाउगु दु।

वयकलं नेपाली म्येन हालातःगु दु। वयकः न भारतया प्रतिष्ठित भारत रत्न, दादा साहेब फाल्के लगायतया सम्मान व अवार्ड कयातःगु दु।

Categorized in अन्तर्राष्ट्रिय