कोरोना संक्रमणं थप ११ म्हेसिगु ज्यान वन, देयन्यक १ हजार ३८६म्ह संक्रमण पुष्टि
लहनान्युज | सिल्लाथ्व पंचमी ११४२, माघ २३ आईतवाः
वंगु २४ घण्टाया दुने कोरोना भाइरस (कोभिड–१९) या संक्रमणं थप ११ म्हेसिगु ज्यान वंगु दु।
अथेहे थौ देयन्यक १ हजार ३८६ म्हेसित संक्रमण पुष्टि जुगु दु। स्वास्थ्य तथा जनसंख्या मन्त्रालयया कथं देयन्यक ९ हजार २५१ म्हेसिगु नमुना परीक्षण याउगु खः।
६ हजार ४४३ म्हेसिगु पीसीआर परीक्षण याउगुलि १ हजार १८३ म्ह व २ हजार ८०८ म्हेसिगु एन्टीजेन परीक्षण याउगुलि २०३ याना १ हजार ३८६ म्हेसित कोरोना संक्रमण पुष्टि जुगु दु।
वंगु २४ घण्टाय् ८ हजार ७०४ म्ह संक्रमणमुक्त जुगु दु।
Categorized in राष्ट्रिय
