नेकपा (माओवादी केन्द्र)या अध्यक्ष पुष्पकमल दाहाल ‘प्रचण्ड’ व नेकपा (एकीकृत समाजवादी) या अध्यक्ष माधवकुमार नेपाल दथुइ छलफल जुगु दु।

बुधबाः सुथय् प्रचण्डयात नापलायेगु निति नेपाल खुमलटारय् वःगु खः। उपि दथुइ समसामयिक राजनीतिक विषयवस्तुबारे खँल्हाबल्हा जुगु दु धका धाउगु दु। लिपागु इलय् अमेरिकी सहयोग परियोजना मिलिनियम च्यालेन्ज कर्पोरेसन (एमसिसी) संसदं अनुमोदन यायेगु÷मयायेगु बारे सत्तारूढ गठबन्धनया दल दथुइ विवाद जुयाच्वंगु खः।

सरकारं नेतृत्व यानाच्वंगु कांग्रेसं एमसिसी संसदया टेबल यायेगु दबाब बियाच्वगु खःसा माओवादी केन्द्र व एकीकृत समाजवादी दुने थुगु विषय छगु मत जुगु मदु। थ्व स्वया न्ह्यः सत्तारूढ गठबन्धनया नेतापि छलफल यायेत प्रधानमन्त्रीया निवास बालुवाटारय् यायेगु यानाच्वंगु खः। थौं बुधबाः नेपाल प्रचण्डयात नापलायेत निवासय् वःगु खः।

Categorized in राजनीति