अख्तियार दुरुपयोग अनुसन्धान आयोगं सहन्यायाधिवक्ता सुरेन्द्रबहादुर थापाविरुद्ध गैरकानुनी सम्पत्ति आर्जन याउगु अभियोग बिउसे भ्रष्टाचार मुद्दा दायर याउगु दु।

उच्च सरकारी वकिलया कार्यालय, पोखराय् घुस कयाच्वंगु अवस्थाय् थापाविरुद्ध अख्तियारं ६१ लाख २ हजार रुपैयाँ गैरकानूनी रुपं आर्जन याउगु आरोप बिउसे मुद्दा दायर याउगु खः।

५ असार २०४५ य् सरकारी सेवाय् प्रवेश याम्ह थापा वंगु दँय् १ करोड ७६ लाख रुपैयाँ जक वैध आर्जन जुइगु सम्पत्ति छानविन यासे २ करोड ३७ लाख रुपैंया आर्जन याउगु अख्तियारं धाउगु दु।

६१ लाख रुपैयाँ स्रोत खुले मजुगु धासे अख्तियारं थापायात मुद्दा न्ह्याकूगु खः।

Categorized in अपराध