स्वास्थ्य तथा जनसंख्यामन्त्री विरोध खतिवडां २४ लाख डोज कोरोना खोप तःगु मखु धका स्पष्टीकरण बिउगु दु।

थःम्हेसिया ज्या यानागु उपलब्धि सार्वजनिक यासे पत्रकारपिनिगु न्ह्यसः लिसः बिइगु झ्वलय् मन्त्री खतिवडां खोप तःगु मखुु धका धाउगु खः। लँय् तःगु व सिइतिइ वंगु खोपया तथ्यांक वये ल्यदनिइ धका धाउगु खः।

खोप मालेगु लागि मन्त्रालयया प्रमुख विशेषज्ञ डा. गुणराज लोहनीया संयोजकत्वय् न्याम्ह सदस्यीय समितिपिनिगु छानबिन याये धुकगु धका वयकलं धाउगु खः। समितियात निवाःया ई बिउगु खः।

‘केन्द्रं प्रदेशय्, प्रदेशं जिल्लाय्, जिल्लां स्थानीय तहय् गुलि छ्वयागु खः उकिया रिपोर्ट समितिं फागुन २ गते दुने याइ,’ धका वयकलं धाउगु खः।

Categorized in राष्ट्रिय