बालकुमारी द्यःयात सुनाकोठी यंकल
सिल्लाथ्व दशमी ११४२, माघ २८ शुक्रवाः
यलया सुनाकुथिस्थित बालकुमारी देगलं वंगु माघ ८ गते खुयायंकूगु मूर्ति लुइकूगु दु ।
सशस्त्र प्रहरीया क्याम्पलिक्क दुगु करूणा देगः न्ह्यःनय् बालकुमारीया मूर्ति लूगु खः । यलया प्रमुख जिल्ला अधिकारी घनश्याम उपाध्यायं खुमलटारस्थित क्लासिक टावरया ल्यूनय् मूर्ति लुयावःगु पुष्टि यानादीगु खः ।
निगू फिट तजाःगु छगूत्या फिट ब्या दुगु मूर्ति वंगु माघ ८ गते सुनाकुथिया देगःलं खुयायंकूगु खः ।
आः बालकुमारीया मूर्ति सुनाकोठी लितयंकूगु दु । बाजंगाजंलिसं मुंगु सुनोकोठीवासी व धर्म, संस्कृतिप्रेमीपिनिगु बाजगाजंलिसें सिन्दुर जात्रा याना बालकुमारी मूर्ति जावालाख्यःपाखें सुनोकाठी लितयंकूगु खः ।
