वंगु २४ घण्टाया दुने देयन्यक ८३६ म्हेसित कोरोना संक्रमित पुष्टि जुगु दु।

कोरोना सक्रमित जूपि द्धःछि स्वया म्हो जुयावंगु दु। स्वास्थ्य तथा जनसंख्या मन्त्रालयया कथं पीसीआर व एन्टिजेन परीक्षणं वंगु २४ घण्टाय् जम्मा ८३६ म्हेसित संक्रमण पुष्टि जुगु दु।

४ हजार २६० म्हेसिगु पीसीआर परीक्षणय् ४९१ म्ह व २ हजार ३९४ म्हेसिगु एन्टिजेन परीक्षणय् ३४५ म्ह याना ८३६ म्हेसित संक्रमण पुष्टि जुगु खः।

अथेहे मन्त्रालयया कथं वंगु २४ घण्टाय् कोरोना संक्रमणं प्यम्हेसिगु ज्यान वंगु दु। १ हजार ८२६ म्ह संक्रमणमुक्त जुगु दु।

Categorized in राष्ट्रिय