२०७९ आषाढ १४, मंगलबार

सन्दीप लामिछाने आईपीएलय् म्हितीइगु सम्भावना म्हो

लहनान्युज | सिल्लाथ्व द्धादशी ११४२, फागुन १ आईतवाः

नेपाली राष्ट्रिय टिमया कप्तान सन्दीप लामिछाने थुगु दँय् इन्डियन प्रिमियर लिग (आईपीएल) म्हितीइगु सम्भावना म्हो जुगु दु।

शनिबाः सुरु जुगु १५ क्वःगु संस्करण आईपीएलया मेगा अक्सनय् लेग स्पीनर सन्दीपयात छु न टिमं काउगु मदु। थुगु पटक स्पीनरयात छु न टिमं मिखा तःगु मदु।

अफगानिस्तानया मोहम्मद नावी व मुजिव उर रहमान, दक्षिण अफ्रिकाका इमरान ताहिर,अष्ट्रेलियाया एडम जाम्पा व इंग्ल्याण्डया आदिल रासिदयात छु न टोलीइ दुथ्याकुगुु मदु।

११ क्वःगु सेटय् दुम्ह सन्दीपं थःगु भाः भारु ४० लाख तःगु खः। तर अनया टिमं सन्दीपयात काउगु मदु । आः आइतबाः छु न फ्रेन्चाइजं शनिबाः अनुबन्ध मजुपि कासामिपिन्त विसलिस्टपाखे अक्सनय् सामेल याइ।

आईपीएल म्हितूम्ह न्हापाम्ह नेपाली कासामि सन्दीपयात थ्व स्वया न्ह्यः सन् २०१८ य् न्हापागु पटक दिल्ली क्यापिटल्सय् अनुबन्ध जुया निगु सिजन म्हितूगु खः। स्वगूगु सिजनय् धासा म्हितिइगु अवसर मवउगु खः।

Categorized in कासा