नेकपा माओवादी केन्द्रया अध्यक्ष पुष्पकमल दाहाल ‘प्रचण्ड’ व एकीकृत समाजवादीया अध्यक्ष माधवकुमार नेपाल अमेरिकी सहयोग परियोजना मिलेनियम च्यालेन्ज कम्प्याक्ट (एमसीसी) संसदया टेबल यायेत सहमत जुगु दु।

स्रोतया कथं सभामुख अग्निप्रसाद सापकोटा न सहमत जुगुलि सम्भवतः बुधबाः ४ फागुनया बैठकय् एमसीसी टेबल यायेत्यंगु खः। सोमबाः तय जुगु प्रतिनिधि सभाया बैठक निन्हु सारे याना फागुन ४ गते सःतुगु दु।

प्रधानमन्त्री शेरबहादुर देउवां एमसीसी संसदय् टेबल यायेत निरन्तर कुतः याना वयाच्वंगु खः। तर सत्तारुढ माओवादी व एकीकृत समाजवादी सहमत मजुगु खः।

सभामुख सापकोटा न राष्ट्रिय वा सत्तारुढ गठबन्धनया सहमति मजुकं एमसीसी टेबल मयायेगु अडान कयावयाच्वंगु खः। तर अमेरिकां एमसीसी सम्झौता प्रतिनिधिसभापाखे अनुमोदनया लागि २८ फेब्रुअरी अर्थात १६ फागुन तक ई बिउगु खः।

Categorized in राष्ट्रिय