वंगु २४ घण्टाया दुने देयन्यक ३५० म्हेसित कोरोना संक्रमण पुष्टि जुगु दु।

अथेहे थौं कोरोना सक्रमणं प्यम्हेसिगु ज्यान वंगु दु। स्वास्थ्य तथा जनसंख्या मन्त्रालयया कथं ३ हजार ५३८ म्हेसिगु पीसीआर परीक्षणय् १९८ म्ह व ३ हजार ५५८ म्हेसिगु एन्टिजेन परीक्षणय् १५२ म्ह याना ३५० म्ह संक्रमण पुष्टि जुगु दु।

वंगु २४ घण्टाय् १ हजार २७२ म्ह संक्रमणमुक्त जुगु दु। वंगु २४ घण्टाय् येँ ५१ म्हेसित कोराना संक्रमण पुष्टि जुगु दु। अथेहे कास्कीइ २२, कैलालीइ ९, लमजुङय् ८, झापा, यल व दाङय् ७÷७ म्ह, रुपन्देही व सर्लाहीइ ६÷६ म्हेसित संक्रमण पुष्टि जुगु दु।

Categorized in राष्ट्रिय