बेलायत लानि एलिजाबेथ द्वितीय न कोभिड–१९ या सङ्क्रमण जुगु दु।

कोभिडया सामान्य लक्षण खनेदेयवं स्वास्थ्य परीक्षण याउलि वयकःयात सङ्क्रमण पुष्टि जुगु दु धका बीबीसी धाउगु दु।

९५ दँ दुम्ह लानि वंगु वाःनिसे थगु निवासय् हे जनस्वास्थ्यया मापदण्ड पालना यासे व वयकःया निरन्तर स्वास्थ्य उपचार जुयाच्वंगु खबरय् उल्लेख दु।

वयकलं वंगु वाः दुने दरबारय् थीथी मनूपिन्त नापनालादीगु खः। उपिमध्ये छम्हेसित कोभिड सङ्क्रमणया स्पष्ट लक्षण खनेदुगु धका धाउगु दु।

बेलायतया प्रधानमन्त्री बोरिस जोनसनं वयकः याउगु भिंउसाँय् या कामना यानादीगु दु।

Categorized in अन्तर्राष्ट्रिय