थौं बुधबाः सेयर बजाः नेप्से परिसूचक ५८ दशमलव ९९ अंकं घटे जुया २ हजार ६ सय ६१ दशमलव ४४ अंकय् कुहावंगु दु।

‘क’ वर्गया कम्पनी याइगु कारोबार मापन सेन्सेटिभ इन्डेक्स न १० दशमलव ३६ अंक घटे जुगु दु। नेप्से परिसूचक घटे जूसा सेयर कारोबार रकम धासा म्हिगः स्वया सुधार जुगु दु।

बुधबाः ३ अर्ब कारोबार जुगु खःसा बिहीबाः कारोबार रकम ४ अर्ब स्वया अप्पोगु दु। न्हिच्छियक ६५ हजार ११ कारोबारपाखे २२९ कम्पनीया ८४ लाख ९० हजार ६८९ कित्ता सेयर किनबेच जुगु खः।

उगु कारोबार रकम ४ अर्ब २९ करोड ३८ लाख ६४ हजार १९२ रुपैयाँ थ्यंगु खः। बिहीबाः यक्को घटे जुगु फाइनान्स कम्पनीपि खनेदु।

फाइनान्स कम्पनीपिनिगु सब इन्डेक्स ३ प्रतिशत स्वया अप्पो घटे जुगुलि हिमालयन जनरल इन्स्योरेन्स न्हापागु दु थासय् लाउगु दु।

Categorized in राष्ट्रिय