स्थानीय तह चुनावया लागि निर्वाचन आयोगय् आःतक २९ दल दर्ता जुगु दु।

लिपागु इलय् थप १९ राजनीतिक दलं आयोगय् निवेदन बिउगु दु धका आयोगया सहायक प्रवक्ता सूर्यप्रसाद अर्यालं जानकारी बिउगु दु। थ्व स्वया न्ह्यः झीगु राजनीतिक दलं निवेदन बिउगु खः।

आयोगय् नेपाल कम्युनिष्ट पार्टी (एकीकृत समाजवादी), राष्ट्रिय प्रजातन्त्र पार्टी, राष्ट्रिय जनमोर्चा, बहुजन एकता पार्टी नेपाल, नेपाल सद्भावना पार्टी, विवेकशील पार्टी लगायतं निवेदन बिउगु दु।

आयोगं वइगु वैशाख ३० गते जुइगु स्थानीय तहया चुनावया लागि फागुन ५ गते सूचं पिकाउगु दु। थ्व हे १६ गते दुने दल दर्ता यायेत आह्वान याउगु खः।

सङ्घीय संसदय् प्रतिनिधित्व जुगु व दलीय चुनाव चिह्न कायेत नेपाली कांग्रेस, नेकपा एमाले, माओवादी केन्द्र लगायतं स्थानीय तह चुनावया लागि आःतक दल दर्ताया निवेदन बिउगु मदुनि।

Categorized in राष्ट्रिय