नेकपा एमालें स्थानीय तह निर्वाचन प्रयोजनया लागि निर्वाचन आयोगय् दल दर्ता याउगु दु।

शुक्रबाः येँया कान्तिपथ निर्वाचन आयोगया कार्यालय वना एमाले महासचिव शंकर पोखरेल नेतृत्वय् स्थानीय तह निर्वाचन प्रयोजनया लागि दल दर्ता यायेत निवेदन बिउगु दु।

निर्वाचन आयोगं जारी याउगु सूचं कथं निर्वाचन आयोगय् वना स्थानीय तह निर्वाचन प्रयोजनया लागि दल दर्ता यानागु दु धका एमाले महासचिव पोखरेलं जानकारी बिउगु दु। वयकलं थःपिनिगु पार्टी निर्वाचनया तयारीइ वने धुकगु दु धासे मेमेगु राजनीतिक दलपिन्त न निर्वाचनया प्रक्रियाय् सामेल जुइत इनाप याउगु दु।

अथेहे, निर्वाचन आयोगं थौं शुक्रबाः तक स्थानीय तह निर्वाचन प्रयोजनया लागि ४० दलं दर्ताया लागि निवेदन बिउगु दु धका धाउगु दु। निर्वाचन आयोगया प्रवक्ता शालिग्राम शर्मा पौडेलं निर्वाचन प्रयोजनया लागि आःतक ४० दलं दल दर्ता याये धुकूगु दु धका धाउगु दु।

Categorized in राजनीति