नेकपा एमालेया उपाध्यक्ष रामबहादुर थापा बादलं नेपाली राजनीतिइ याकन हे न्हुगु ध्रुवीकरण जुइ धका धाउगु दु।

नेकपा एमाले न शनिबाः वीरेन्द्रनगरय् जुगु कर्णाली प्रदेश स्तरीय प्रशिक्षण ज्याझ्वलयर््  सम्बोधन यासे बादलं अमेरिकी सहयोग परियोजना एमसीसीया कारण राष्ट्रिय राजनीतिइ न्हुगु ध्रुवीकरण जुइगु दावी याउगु दु।

‘थ्व स्वार्थ न दयकूगु अवसरवादीपिनिगु गठबन्धन खः, अवसरवादीपिन्स एमालेयात याकचा यायेत स्वल। एमसीसीया कारण आः छन्हु निन्हुया दुने गठबन्धन त्वाधलि व, राष्ट्रिय राजनीतिइ ध्रुवीकरण जुइ’ उपाध्यक्ष बादलं धाउगु दु।

बादलं आः सत्ता गठबन्धनयात प्रतिक्रियावादी व अवसरवादीया संज्ञा बिउगु दु। एमालेया नेतृत्वय् जक समृद्धि सम्भव दुगु धासे वयकलं निर्वाचनय् बहुमत हयेगु तयारी यायेत कार्यकर्तापिन्त निर्देशन बिउगु दु।

Categorized in राष्ट्रिय