किपू नगरपालिका वडा नं. ९ या ग्वसालय् लेखा व्यवस्थापन सम्बन्धी स्वन्हुयंकंया तालिम वंगु क्वचाःगु दु।

न्हापांगु चरणय् थ्वहे फागुन ३ गतनिसें ५ गतेतक नगांया सामुदायिक भवनय् जूगु उगु तालिम निगूगु पुचःया लागि फागुन १० गतेनिसें बादेगाः सामुदायिक भवनय् जूगु खः।

वडाया महिला सञ्जालया दुजःपिंत लेखा व्यवस्थापनय् ग्वाहालि जुइमा धकाः न्ह्याकूगु प्रशिक्षणय् सुभाष शर्मा व उमेशभक्त जोशीं प्रशिक्षण बियादीगु खः।

समापन ज्याझ्वलय् किपू नगरपालिकाया मेयर रमेश महर्जन, उप– मेयर सरस्वती खड्कालगायतं प्रशिक्षणय् ब्वतिकयादीपिंत दसि पौ लःल्हानादीगु खः।

Categorized in राष्ट्रिय