२०७९ माघ २०, शुक्रबार

माओवादी केन्द्रया केन्द्रीय समिति बैठक सुरु

लहनान्युज | चिल्लाथ्व द्धितीया ११४२, फागुन २० शुक्रवाः

नेकपा माओवादी केन्द्रया केन्द्रीय समिति बैठक सुरु जुगु दु। बैठक राष्ट्रिय सभागृहय् सुरु जुगु दु।

बैठकय् न्हापागु दिं अध्यक्ष पुष्पकमल दाहाल प्रचण्ड व नेता नारायणकाजी श्रेष्ठपिन्स थगु धारणा तइ। स्वन्हु तक न्ह्याइगु बैठकय् समसामयिक राजनीति, स्थानीय तह निर्वाचनया तयारी, केन्द्रीय सदस्यपिनिगु मनोनयन, पोलिटब्युरो व स्थायी समिति गठन, पदाधिकारी चयन लगायत विषय छलफल जुइत्यःगु खः।

माओवादी केन्द्रया विधान कथं पदाधिकारीइ छम्ह अध्यक्ष, छम्ह वरिष्ठ उपाध्यक्ष, खुम्ह उपाध्यक्ष, छम्ह महासचिव, निम्ह उपमहासचिव, स्वम्ह सचिव व छम्ह कोषाध्यक्ष दइगु ब्यवस्था दु।

महाधिवेशनपाखे अनुमोदित विधानय् २९९ म्ह केन्द्रीय सदस्य दइगु धासा माओवादीं ६३ म्ह केन्द्रीय सदस्यपि मनोनित याये ल्यदनिइ। 

Categorized in राजनीति