२०८० चैत्र १६, शुक्रबार

पाकिस्तानया प्रधानमन्त्री इमरान खानविरुद्ध अविश्वासया प्रस्ताव पेस

लहनान्युज | चिल्लाथ्व सप्तमी ११४२, फागुन २५ बुधवाः

पाकिस्तानया प्रधानमन्त्री इमरान खानविरुद्ध अविश्वासया प्रस्ताव पेस याउगु दु। विपक्षी दलया गठबन्धनं पाकिस्तान डेमोक्रेटिक मुभमेन्ट (पीडीएम) न प्रधानमन्त्री खानविरुद्ध अविश्वास प्रस्ताव पेस याउगु खः।

लाहोरय् छु वाः न्ह्यः मुभमेन्टया बैठकय् प्रमुख फजजुर रहमानं वर्तमान सरकारयात अवैध धासे अविश्वास प्रस्ताव पेस याउगु दु। उकिया लागि दक्को सहयोगी दलपि नाप सम्पर्क याना व सरकारया समर्थन लित कायेत आह्वान याउगु दु। पाकिस्तानया संविधान कथं अविश्वास प्रस्ताव पारित यायेत संसदय् साधारण बहुमत दःसा गाः।

पाकिस्तानया संसदय् ३४२ सदस्यपि दु। अविश्वास प्रस्ताव पारित यायेत १७२ भोट दःसा गाः। उकि विपक्षी गठबन्धन अविश्वासया प्रस्तावया पक्षय् बहुमत दयकेगु निति सक्रिय जुयाच्वंगु खः। इमरान खानया पार्टी पीटीआई नाप संसदय् १५५ सिट दु।

पूर्व राष्ट्रिय क्रिकेट कासामि इमरान खानं सन् २०१८ या अगष्ट निसे पाकिस्तानया प्रधानमन्त्री जुयाच्वंगु खः।

Categorized in अन्तर्राष्ट्रिय