नेप्से परिसूचक १६ दशमलव ६९ अंकं घटे जुया थौं २ हजार ६ सय १३ दशमलव ६७ अंकय् कुहावंगु दु।

‘क’ वर्गया कम्पनी पिनिगु कारोबार मापन याइगु सेन्सेटिभ इन्डेक्स न ६ दशमलव १७ अंकय् घटे जुगु दु। नेप्से परिसूचक घटे जुया कारोबार रकम धासा बुधबाः स्वया थौं थहावंगु दु।

बुधबार २ अर्ब रुपैयाँ जक सेयर कारोबार जुगुलि बिहीबाः ३ अर्ब २४ करोड स्वया अप्वो सेयर कारोबार जुगु दु। न्हिच्छियकं जुगु ४५ हजार ७६ कारोबारपाखे २२४ धितोपत्रया ५२ लाख ९८ हजार ५४३ कित्ता सेयर किनबेच जुगु दु।

उकिइ कारोबार रकम ३ अर्ब २४ करोड ८९ लाख ४३ हजार ८२५ रुपैयाँ थ्यंगु दु। बजाः घटे जूसा जीवन बीमा कम्पनीया सेयर भाः धासा थहावंगु दु।

जीवन बीमा समूहया सबइन्डेक्स न ३७० अंकं थहावंगु दु।

Categorized in राष्ट्रिय