वैशाख ३० गते जुइगु स्थानीय तह चुनावय् देयन्यक २१ हजार ९५५ मतदात केन्द्र तोके याउगु दु।

निर्वाचन आयोगं छगु सूचं पिकया १० हजार ७५६ मतदान स्थलय् २१ हजार ९५५ मतदात केन्द्र तइगु जुगु दु।

छगु मतदान स्थलय् छगु स्वया अप्पो केन्द्र दइगु जुगु दु। दकलय् अप्पो मधेस प्रदेशय् ४ हजार १८९ मतदान केन्द्र दइगु धका धाउगु दु। अथेहे दकलय् अप्पो कम कर्णाली प्रदेशय् १ हजार ३८५ गु मतदान केन्द्र दइ धका धाउगु दु।

बागमती प्रदेशय् ४ हजार ९५, प्रदेश १ य् ४ हजार ५१, लुम्बिनी प्रदेशय् ३ हजार ८३२, गण्डकी प्रदेशय् २ हजार ३०० व सुदूरपश्चिम प्रदेशय् २ हजार १०३ मतदान केन्द्र दु धका आयोगं धाउगु दु।

देयन्यक १ करोड ७७ लाख ३३ हजार ७२३ म्ह मतदाता दु धका आयोगं धाउगु दु।

Categorized in राष्ट्रिय