किपू नगरपालिकाया ग्वसालय् न्ह्यानाच्वंगु दाफा भजन संगीत स्यने ज्याझ्वः क्वचाःगु दु। स्वलातक  स्यने ज्याझ्वः वंगु शनिवाः पिदंगु खः।

छुं नं बाजंयात नाःसःद्यः भाःपीगु जूगुलिं थुगु दाफा भजन संगीत स्यने ज्याझ्वः नं किपू नगरपालिका वडा नं. ८,पांगा लाछिया नाःसःद्यः पुजायानां अन दबुलिइ हे पिदंगु खः। वंगु पुस ४ निसें किपू नगरपालिकाया प्रमुख रमेश महर्जनं उलेज्या यानां न्ह्याःगु थुगु दाफा भजन संगीत स्यने ज्याभ्mवः किपू नगरपालिका वडा नं. २, न्यामासिमाय् दुगु नेपालभाषा एकेदेमिया हलय् न्हियान्हिथं जुयाच्वंगु खः।

संगीत स्यनेज्याय् खुइम्हं मल्याकंम्हेसिनं ब्वतिकयाच्वंगु खःसा गुरुपिं सुरेन्द्र श्रेष्ठ, तीर्थ माली व राजेन्द्र महर्जनं स्यानाच्वंगु खःसा थुकी तबलाय् युसन महर्जन व खिंलय् धनेश महर्जनं ग्वहालि यानादीगु खः। संगीतया कक्षा कयादीपिन्त रामकृष्ण दुवाल व न्हुच्छेबहादुर डंगोलयात नगर प्रमुख महर्जनं दोसल्लां न्ययेका हनादिसें सुभाय् पौ देछायादीगु खः।

Categorized in राष्ट्रिय